Miðvikudaginn 19. mars og fimmtudaginn 20. mars eru þemadagar í Námsflokkunum og er markmiðið að bjóða nemendum valkosti í menntun. Margt forvitnilegt er á dagskrá: hellaferð, heimspekikaffi, núvitund, hamingjuhornið, tapas-gerð, fyrirlesturinn: ,,Af hverju er barnið mitt ekki úti að borða sand?", draumar, skapandi skrif og stærðfræðimaraþon. Eru nemendur eindregið hvattir til að nýta sér þessa fjölbreyttu valkosti til að auðga andann.

Nýjar stundaskrár eru komnar á vefinn. Nokkrar breytingar hafa orðið á stundaskrám Kvennasmiðju 17 og Karlasmiðju. Hjá Námsbrú og Námskrafti A hafa orðið stofubreytingar á fimmtudögum.

Almenn framhaldsskólakynning verður haldin í fyrsta sinn dagana 6.-8. mars, í Kórnum í Kópavogi. Á sama tíma verður haldið Íslandsmót iðn- og verkgreina og þar af leiðandi margt að sjá.

Enn er tekið við skráningu í nám á nýju ári. Allar upplýsingar eru veittar á Þjónustumiðstöðvunum og hjá Námsflokkunum.