Til að lágmarka smithættu þegar Covid-19 smit greinast enn nokkuð mörg  á degi hverjum í samfélaginu munu nemendur í Námskrafti A (íslenskuhópi) og B (félagsvísindahópi) einnig mæta færri tíma í þessari viku eins og þeirri síðustu og verður stundataflan eins nema á þriðjudegi verður fullur skóladagur til að þau fái fleiri tíma í list- og verkgreinum á staðnum (sjá stundatöflur hópanna hér fyrir neðan).

Á þriðjudeginum verður ganginum skipt þannig upp að þeir sem eru í listum í stofu 4 þurfa að ganga inn og út úr byggingunni um neyðarútgang þar sem reykingaaðstaðan er.

Nemendur Námsflokkanna eru beðnir að koma með sín eigin fjölnota drykkjarílát eins og t.d. ferðabolla og vatnsflöskur til að minnka smithættu, vera umhverfisvæn og minnka sóun. 

Nemendur í Námskrafti C - Framhaldshópi mæta 4 daga í viku frá kl. 11-13:30, mánudaga, þriðjudaga, fimmtudaga og föstudaga. Ekki er mæting á miðvikudögum, sjá stundaskrá hér að neðan. 

Allir þurfa að mæta með eigin skriffæri; blýant, strokleður og yddara, reikningsbók í stærðfræði og vandanðan vasareikni ef við á. (Ekki er notaður vasareiknir með bókinni Allt með tölu). 

Nemendur fá upplýsingar um hvaða námsgögn verði notuð í ensku í tíma í dag.

Byrjunarstundaskrá Námskrafts A og B hefur breyst örlítið. 

Dagskrá föstudags færist á þriðjudag og öfugt. 

Þau mæta því í hópefli, sauma og stærðfræði á morgun þriðjudaginn 25. ágúst frá kl. 9 til 11 en ljúka skyndihjálp föstudaginn 28. ágúst og eru þá frá kl. 9-12. 

Sjá uppfærðar stundatöflur hér fyrir neðan: