Ekki náðist í hóp til að geta byrjað á áætlun og höfum við frestað Starfskrafti um 2 vikur eða til fimmtudagsins 12. febrúar.
 
Öllum umsækjendum er boðið í kynningarviðtal í Námsflokka Reykjavíkur.
 
Skilyrðið er að vera 16-18 ára ungmenni búsett í Reykjavík sem hvorki stundar nám né vinnu.  (Vísun þarf að koma frá þjónustumiðstöð Reykjvíkurborgar).
 
Starfskraftur er rúmlega 14 vikur, eða ein önn. Hefst 12. febrúar og lýkur 22. maí.
 
Byrjar fyrstu 4 vikurnar á námskeiðum í Námsflokkum Reykjavíkur, alla virka daga í 2-3 tíma á dag (aldrei byrjað fyrir kl. 10).
 
9 vikna starfsþjálfun, 3 daga vikunnar í allt að 6 tíma á dag. Greidd eru laun fyrir unna starfsþjálfunartíma.
Á sama tíma er sjálfstyrking, náms- og starfsfræðsla og hópefli og menningarferðir 2 daga vikunnar í Námsflokkum Reykjavíkur. Mætingarskylda er í Námsflokkana.
 
Endað er með sameiginlegu lokaverkefni og útskrift.
 
Vinsamlegast sendið umsóknir með upplýsingum um viðkomandi á bæði:
Jódísi Káradóttur This e-mail address is being protected from spambots. You need JavaScript enabled to view it. og
Þóru Björgu Guðjónsdóttur This e-mail address is being protected from spambots. You need JavaScript enabled to view it.
 
Sjá einnig annaryfirlit og bækling.

Síðastliðinn miðvikudag kom Ófeigur Sigurðsson og las upp úr bók sinni Öræfi fyrir nemendur og starfsfólk. Spunnust mjög áhugaverðar umræður í kjölfarið og þökkum við höfundi kærlega fyrir komuna. Meira um Ófeig Sigurðsson hér.

Á miðvikudaginn kemur, þann 17. desember kl. 9-10, kemur Kristín Steinsdóttir til okkar og les upp úr nýútkominni bók sinni Vonarlandið. Hvetjum við nemendur og starfsfólk til að koma við og njóta stundarinnar. Meira um Kristínu Steinsdóttur hér.

Föstudaginn síðastliðinn, þann 28. nóvember, útkskrifuðust hóparnir Námskraftur og Starfskraftur í Breiðholti, en þau verkefni voru unnin í samstarfi við Menntun núna. Óskum við öllum sem tóku þátt innilega til hamingju!

Námsflokkarnir fagna 75 ára afmæli

Um þessar mundir er haldið upp á 75 ára afmæli Námsflokka Reykjavíkur sem stofnaðir voru 1939. Markmið þeirra hefur frá upphafi verið að veita fullorðnu fólki tækifæri til að bæta menntun sína, sértæka sem og almenna. Námsflokkarnir hafa alla tíð verið frumkvöðlar á sviði fullorðinsfræðslu. Starfsemin hefur tekið breytingum samfara breytingum á menntakerfinu og þörfum samfélagsins. Þannig fólst námsframboð fyrstu áratuganna einkum í frístundanámi, en 1970 var byrjað að bjóða upp á nám í fyrstu áföngum framhaldsskólans. 1990 var atvinnuleitendum boðið upp á viðbótarnám og íslenska fyrir útlendinga bættist við námsframboð NR á árinu 1994. Á árunum 1998 – 2005 voru þróuð ýmis námstilboð sem fólust í blöndu bóklegs og verklegs náms, sjálfsstyrkingu og starfsþjálfun. Hin síðari ár hefur starfsemin falist í menntunartilboðum til hópa fullorðinna og ungmenna,  bóknámi og starfsnámi, allt frá einni önn til 18 mánaða. Helstu samstarfsaðilar NR eru velferðarsvið Reykjavíkurborgar, Fjölbrautaskólinn við Ármúla og mennta- og menningarmálaráðuneytið. 

Fyrsti forstöðumaður Námsflokkanna var Ágúst Sigurðsson, sem sótti hugmyndir um fullorðinsfræðslu til Danmerkur og Svíþjóðar. Guðrún Halldórsdóttir var forstöðumaður Námsflokkanna í þrjá áratugi, en Björg Árnadóttir tók við starfi hennar 2005. Iðunn Antonsdóttir hefur verið forstöðumaður Námsflokkanna frá árinu 2008. Markmið NR eru að mæta af fagmennsku og virðingu fullorðnum einstaklingum sem vilja breyta lífi sínu með aukinni menntun,  að varðveita sveigjanleika óformlegs náms í samspili við festu formlegs náms annarra menntastofnana og að vinna samkvæmt félagslegri menntastefnu Reykjavíkurborgar að því að auka lífsgæði og samfélagsþátttöku fólks í gegnum menntun.

Ragnar- sviðstjóri skóla- og frístundasviðs, Iðunn - forstöðumaður Námsflokkanna og Skúli - formaður skóla- og frístundaráðs