Menntun núna - Námskraftur í Breiðholti fyrir 18-25 ára

Menntun núna verkefnið í Breiðholti býður upp á námsbrautina ,,Námskraftur í Breiðholti" frá Námsflokkum Reykjavíkur og er fyrir fólk á aldrinum 18-25 ára.  Námskeiðið verður í Miðbergi/Gerðubergi og hefst fimmtudaginn 21. ágúst og lýkur miðvikudaginn 1. október.    Kennt er mánudaga, þriðjudaga, miðvikudaga og fimmtudaga kl.  11:00-14:30 eða 14:50. Námið er nemendum að kostnaðarlausu, að öðru leyti en því að þeir þurfa að kaupa stílabækur/vinnubækur.

Í Námskrafti er kennd íslenska og stærðfræði, en námið er metið eftir getu og árangri hvers og eins, eða allt að 4 einingum. Hópastærð er 8-15 nemendur, námskeiðið nær yfir 6 vikur og  heildarviðvera yrði 4 x 3,5 klst á viku.  Vikulegur kennslustundafjöldi í íslensku og stærðfræði er 8 kennslustundir í hvorri grein auk 2,6 kennslustunda í lífsleikni/hópefli/námstækni/sjálfsefling/samfélagslæsi. 

Nemendur geta leitað eftir stuðningi frá náms- og starfsráðgjafa Menntunar núna á meðan á námi stendur og að því loknu, auk þess að geta nýtt sér félags- og fjármálaráðgjöf, ráðgjöf vegna lestarerfiðleika og stuðningskennslu á vegum verkefnisins, sjá nánar á www.reykjavik.is/menntun-nuna

Prenta | Netfang

Sýning í Ráðhúsi Reykjavíkur

Dagana 30. apríl-3. maí tóku Námsflokkar Reykjavíkur þátt í sýningunni Skóla- og frístundaborgin Reykjavík í Ráðhúsi Reykjavíkur. Þar var hægt var að kynnast því hvernig börn og ungt fólk læra og þroskast í gegnum fjölbreyttan leik nám og starf. Var sýningin í tengslum við Barnamenningarhátíð. Tókst hún vel og var þátttaka góð.

Prenta | Netfang

Páskafrí nemenda

Páskafrí nemenda hefst föstudaginn 11. apríl. Kennsla hefst samkvæmt stundaskrá miðvikudaginn 23. apríl. Gleðilega páska!

Prenta | Netfang

Fleiri greinar...