Lífsspeki og jóga

Lífsspeki: Notuð verður Hugleiðsla í stutta stund í tímum og farið í undirstöðuatriði. Hvernig gefum við eftir og sleppum tökunum? Hvað er að vera í núinu? Hvernig finnum við innsæið okkar? Einnig verða skoðuð spennandi indversk hugtök sem tengjast viðfangsefninu.

Jóga: Kynnt verður kundalini jóga sem er ein af greinum jóga, oft nefnt jóga vitundar. Fyrstu tímar verða að stórum hluta fræðsla en smám saman verður hluti iðkunarinnar meiri og í seinni hluta námskeiðs verður eingöngu iðkað jóga.

 

Joga

Prenta | Netfang

Fagurfræði og silfursmíði

Fagurfræði: Skoðaðar verða ólíkar hugmyndir um fegurð og merkingu. Að koma auga á víddina í því hvað við sjáum ólíka merkingu í hlutum. Að bera virðingu fyrir því sem við sköpum. Hvað hefur áhrif á fegurðarskyn okkar? Er fegurðarskyn háð tísku?

Byrjendanámskeið í silfursmíði:  Í fyrsta tíma er farið yfir verkstæðið og verkfæri og aðferðir kynntar og svo hafist handa við fyrsta verkefnið.  Eitt skylduverkefni er á námskeiðinu en eftir það vinna nemendur frjálst að eigin hönnun. Flestir ná að klára fyrsta verkefnið sem er eldmótaður hringur í byrjun annars tíma. Innifalið í námskeiðinu er efni að andvirði 10.000 kr. eða um 50 gr af silfri, fari efnisnotkun fram úr því þá greiða nemendur sérstaklega fyrir það ca. 200 kr á grammið.

Hringar

Prenta | Netfang

Danska og menningarmiðlun

Danska: Nemendur horfa á danskar bíómyndir og þætti, veltum því fyrir okkur hvernig dönsk menning og t.d. danskur húmor birtist þar. Vinnum verkefni upp úr bíómyndum/þáttum. Hlustum á danska tónlist og rýnum í texta, veltum fyrir okkur danskri tónlistarsögu og kynnum okkur nokkra þekkta tónlistarmenn.
 
Menningarmiðlun: Nemendur fá kynningu á hugtakinu menning og velta merkingu þess fyrir sér. Kynnast mismunandi tegundum/birtingarmyndum menningar; menningarblaðamennska, menning í útvarpi, menning í sjónvarpi, fjölmenning, barnamenning o.fl. T.d. skrifa grein í menningartímarit, skrifa gagnrýni í dagblað t.d. bíómyndagagnrýni, leikhúsgagnrýni o.fl.

 

Danska hafmeyjan

Prenta | Netfang

Skapandi skrif og leikræn tjáning

Skapandi skrif: Nemendur kynnist helstu hugtökum sem tengjast skrifum skáldaðs texta t.d. sjónarhorn, sögumaður, persónusköpun, tími o.s.frv. Nemendur þjálfist í að skrifa mismunandi bókmenntatexta t.d. örsögur, ljóð, dagbókarskrif, ævintýri o.fl. og kynnist helstu tegundum bókmennta t.d. smásögum, skáldsögum, ævisögum, leikritum, ljóðum, ævintýrum. Veltum fyrir okkur sköpunarferlinu og hvernig höfundar vinna.

Leikræn tjáning: Farið verður í undirstöðuatriði leikrænnar tjáningar. Sé áhugi fyrir hendi verður unnið með texta sem nemendur hafa samið í skapandi skrifum.

Leikarar

Prenta | Netfang

Náms- og starfsráðgjöfin

Nám er vinna sem þarf að skipuleggja

Námsflokkar Reykjavíkur bjóða Reykvíkingum eldri en 16 ára ókeypis náms- og starfsráðgjöf á Suðurlandsbraut 32.
Ráðgjöfin getur falist í eftirfarandi eftir þörfum hvers og eins:  

  • að meta styrkleika fólks og leggja fyrir áhugasviðspróf
  • að ráðleggja um námsleiðir utan og innan Námsflokkanna
  • að finna leiðir vegna sértækra námsörðugleika t.d. lestrarörðugleika
  • að finna leiðir til að fjármagna nám
  • að ráðleggja um námstækni
  • að kenna markmiðssetningu
  • að fylgjast með námsframvindu og hvetja til dáða
  • að aðstoða við gerð ferilskrár og starfsval

Náms- og starfsráðgjafar Námsflokkanna

Elín Guðbjörg Bergsdóttir

veitir ráðgjöf í Þjónustumiðstöð Árbæjar og Grafarholts og Námsflokkum Reykjavíkur

Ingveldur Halla Kristjánsdóttir 

veitir ráðgjöf í Námsflokkum Reykjavíkur

Jódís Káradóttir 

veitir ráðgjöf í Námsflokkum Reykjavíkur

Prenta | Netfang

Fleiri greinar...