Fjarnámsverkefni í heimspeki og íslensku

Nemendur í Námskrafti eiga að hafa fengið sendan tölvupóst úr Mentor með upplýsingum um verkefnin sem þau eiga að vinna í fjarnámi í heimspeki og íslensku. 

Hérna er einnig hægt að nálgast verkefnin: Heimspekiverkefni - Verkefnalisti í íslensku - Yfirlit yfir íslenskunámið

Anna íslenskukennari mun hringja í sína nemendur milli 9-12 á mánudögum til að aðstoða í gegnum síma og hvetja áfram. 

Silla heimspekikennari mun hringja í sína nemendur á milli 9-12 á miðvikudögum til að aðstoða í gegnum síma og hvetja áfram. 

Gyða stærðfræðikennari mun hringja á þriðjudögum og fimmtudögum milli 9-12 til að aðstoða í gegnum síma og hvetja áfram. 

Einnig munu skrifstofustjóri og náms- og starfsráðgjafar hringja út í nemendur til að liðsinna þeim og hvetja áfram. 

Við hvetjum alla nemendur til að halda rútínu og vinna að fjarnámsverkefnum á morgnana ásamt því að halda áfram að reikna þar sem þau eru stödd í stærðfræði (minnum á að svörin eru aftast í stærðfræðibókunum, sjá bókalista). 

Einnig viljum við benda nemendum á nýuppsettan vef Menntamálastofnunar, Fræðslugátt: fraedslugatt.is

Prenta | Netfang

Formleg kennsla fellur niður á morgun þriðjudaginn 17. mars í Námskrafti en þá hefst fjarnám í íslensku og heimspeki.

Formleg kennsla í Námskrafti fellur niður á morgun þriðjudaginn 17. mars en þá hefst fjarnám í íslensku og heimspeki og fær hvor hópur um sig upplýsingar um verkefni sem þeir eiga að vinna að heima og eiga að vera í tölvupóstssamskiptum við viðeigandi kennara. Einnig munu kennarar, náms- og starfsráðgjafar og annað starfsfólk fylgja námi nemenda eftir með símtölum á næstu dögum. 
Verið er að finna lausnir svo hægt sé að kenna listir og stærðfræði í stað- eða fjarnámi næstu vikurnar og erum við að bíða eftir ítarlegri leiðbeiningum svo við getum fundið viðeigandi útfærslu. Við vonumst til að geta upplýst um fyrirkomulag þess á morgun.
Við hvetjum alla nemendur til að halda áfram að reikna heima þar sem hver og einn er staddur og minnum á að svör við dæmum eru aftast í bókunum. Allir nemendur í Námskrafti áttu að útvega sér viðeigandi stærðfræðibók í byrjun annar ásamt skriffærum, reikningsbók og viðeigandi vasareikni fyrir bækurnar STÆ 105 og STÆ 225. 
Ef nemendur voru ekki búnir að útvega sér viðeigandi gögn er mikilvægt að hver og einn geri það núna. Sjá bókalista hér.

Prenta | Netfang

Karla- og Kvennasmiðjur halda óbreyttu sniði en enn þá er óljóst með fyrirkomulag Námskrafts næstu daga.

Karla- og Kvennasmiðjur eiga áfram að mæta samkvæmt stundaskrá í næstu viku en kennsla í Námskrafti fellur niður mánudaginn 16. mars á meðan leitað er upplýsinga um hvernig bregðast eigi við gagnvart þeim hópi í ljósi aðstæðna í samfélaginu. Námskraftur fær sendar frekari upplýsingar  á mánudaginn og verða þær þá einnig birtar hér. 

Prenta | Netfang

Bréf Almannavarna til nemenda, foreldra og forráðamanna.

Almannavarnir hafa beðið forstöðumann Námsflokkanna að koma þessum upplýsingum til nemenda og  foreldra og forráðamanna þeirra nemenda sem eru undir 18 ára aldri. 

Búið er að senda út tölvupósta en til öryggis setjum við bréfin einnig hérna á heimasíðuna. 

Bréf Almannavarna til nemenda, foreldra og forráðamanna á íslensku.

Bréf Almannavarna til nemenda, foreldra og forráðamanna á ensku / in English

Bréf Almannavarna til nemenda, foreldra og forráðamanna á pólsku / in Polish

Prenta | Netfang

Fleiri greinar...