Íslenska og Illustrator

Íslenska: Hvernig væri að lesa bók sér til yndis og ánægju? Lesin verður stutt skáldsaga og rýnt í hana út frá ýmsum sjónarhornum. Hægt verður að tengja verkefnavinnu skáldsögunnar við Illustrator.

Illustrator er forrit sem notað er af grafískum hönnuðum til að setja upp efni fyrir prent og net. Forritið býður uppá ótrúlega spennandi leiðir í uppsetningu. Farið verður yfir grundvallaratriðin í Illustrator og kennt hvernig hægt er að setja upp grafík t.d. plakat á einfaldan hátt m.a. með því að nýta sér gögn af neti og breyta ljósmyndum yfir í grafík á einfaldan hátt. Athugið að enginn undirbúningur er nauðsynlegur.

 

Lestur

Prenta | Netfang

Spænska og spænsk matargerð

Spænska: Markmiðið með námskeiðinu er að nemendur læra um spænskt tungumál og menningu spænskumælandi þjóða. Farið er yfir grundvallaratriði í spænskri málfræði. Leitast er við að þjálfa talað mál, skrifað mál, hlustun og lesskilning, ásamt því að byggja upp orðaforða.

Spænsk matargerð: Farið verður í undirstöðuatriði spænskrar matargerðar. Ýmsir girnilegir réttir verða á boðstólnum, m.a. hinir margrómuðu tapasréttir.

Spaenska hola

Prenta | Netfang

Öðruvísi heimspeki

Öðruvísi heimspeki: Skoðaðar verða öðruvísi hugmyndir um heiminn og rætt um þær. Sumar hugmyndir þykja svo sjálfsagðar að við efumst ekki um réttmæti þeirra, hvað ef þær eru rangar? Hvað ef pönkararnir höfðu og hafa þrátt fyrir allt, rétt fyrir sér? Hvað ræður því hvað er talið rétt eða rangt?

 

Odruvisi heimspeki

Prenta | Netfang

Lífsspeki og jóga

Lífsspeki: Notuð verður Hugleiðsla í stutta stund í tímum og farið í undirstöðuatriði. Hvernig gefum við eftir og sleppum tökunum? Hvað er að vera í núinu? Hvernig finnum við innsæið okkar? Einnig verða skoðuð spennandi indversk hugtök sem tengjast viðfangsefninu.

Jóga: Kynnt verður kundalini jóga sem er ein af greinum jóga, oft nefnt jóga vitundar. Fyrstu tímar verða að stórum hluta fræðsla en smám saman verður hluti iðkunarinnar meiri og í seinni hluta námskeiðs verður eingöngu iðkað jóga.

 

Joga

Prenta | Netfang

Fagurfræði og silfursmíði

Fagurfræði: Skoðaðar verða ólíkar hugmyndir um fegurð og merkingu. Að koma auga á víddina í því hvað við sjáum ólíka merkingu í hlutum. Að bera virðingu fyrir því sem við sköpum. Hvað hefur áhrif á fegurðarskyn okkar? Er fegurðarskyn háð tísku?

Byrjendanámskeið í silfursmíði:  Í fyrsta tíma er farið yfir verkstæðið og verkfæri og aðferðir kynntar og svo hafist handa við fyrsta verkefnið.  Eitt skylduverkefni er á námskeiðinu en eftir það vinna nemendur frjálst að eigin hönnun. Flestir ná að klára fyrsta verkefnið sem er eldmótaður hringur í byrjun annars tíma. Innifalið í námskeiðinu er efni að andvirði 10.000 kr. eða um 50 gr af silfri, fari efnisnotkun fram úr því þá greiða nemendur sérstaklega fyrir það ca. 200 kr á grammið.

Hringar

Prenta | Netfang

Fleiri greinar...