75 ára afmæli Námsflokkanna

Námsflokkarnir fagna 75 ára afmæli

Um þessar mundir er haldið upp á 75 ára afmæli Námsflokka Reykjavíkur sem stofnaðir voru 1939. Markmið þeirra hefur frá upphafi verið að veita fullorðnu fólki tækifæri til að bæta menntun sína, sértæka sem og almenna. Námsflokkarnir hafa alla tíð verið frumkvöðlar á sviði fullorðinsfræðslu. Starfsemin hefur tekið breytingum samfara breytingum á menntakerfinu og þörfum samfélagsins. Þannig fólst námsframboð fyrstu áratuganna einkum í frístundanámi, en 1970 var byrjað að bjóða upp á nám í fyrstu áföngum framhaldsskólans. 1990 var atvinnuleitendum boðið upp á viðbótarnám og íslenska fyrir útlendinga bættist við námsframboð NR á árinu 1994. Á árunum 1998 – 2005 voru þróuð ýmis námstilboð sem fólust í blöndu bóklegs og verklegs náms, sjálfsstyrkingu og starfsþjálfun. Hin síðari ár hefur starfsemin falist í menntunartilboðum til hópa fullorðinna og ungmenna,  bóknámi og starfsnámi, allt frá einni önn til 18 mánaða. Helstu samstarfsaðilar NR eru velferðarsvið Reykjavíkurborgar, Fjölbrautaskólinn við Ármúla og mennta- og menningarmálaráðuneytið. 

Fyrsti forstöðumaður Námsflokkanna var Ágúst Sigurðsson, sem sótti hugmyndir um fullorðinsfræðslu til Danmerkur og Svíþjóðar. Guðrún Halldórsdóttir var forstöðumaður Námsflokkanna í þrjá áratugi, en Björg Árnadóttir tók við starfi hennar 2005. Iðunn Antonsdóttir hefur verið forstöðumaður Námsflokkanna frá árinu 2008. Markmið NR eru að mæta af fagmennsku og virðingu fullorðnum einstaklingum sem vilja breyta lífi sínu með aukinni menntun,  að varðveita sveigjanleika óformlegs náms í samspili við festu formlegs náms annarra menntastofnana og að vinna samkvæmt félagslegri menntastefnu Reykjavíkurborgar að því að auka lífsgæði og samfélagsþátttöku fólks í gegnum menntun.

afmaeli NF 011 Small

Ragnar- sviðstjóri skóla- og frístundasviðs, Iðunn - forstöðumaður Námsflokkanna og Skúli - formaður skóla- og frístundaráðs

Continue Reading

Prenta | Netfang

Danmerkurferð starfsfólks

Þann 1.-4. október síðastliðinn lögðu nokkrir starfsmenn Námsflokkanna land undir fót og skoðuðu fjórar fullorðinsfræðslustofnanir í Kaupmannahöfn. Um var að ræða stofnanirnar Spydspidsen, VUF, KVUC og SputnikSTU og er óhætt að segja að þátttakendur hafi komið heim reynslunni ríkari og með ýmsar hugmyndir í farteskinu.

IMG 13331

 

Prenta | Netfang

Starfskraftur í Breiðholti hefst

Starfskraftur í Breiðholti, sem er verkefni á vegum „Menntunar núna", hefur göngu sína í Gerðubergi fimmtudaginn 16. október kl. 13. Verkefninu lýkur fimmtudaginn 27. nóvember. Stundaskrá verkefnisins er að finna hér. Athugið að fyrsta daginn er hópefli.

Prenta | Netfang

Haustfrí hjá Námskrafti

Haustfrí verður hjá Námskrafti á Suðurlandsbraut föstudaginn 17. október og mánudaginn 20. október.

Haustfrí verður hjá Námskrafti í Breiðholti mánudaginn 20. október.

Prenta | Netfang