Kennsla hefst aftur eftir páskaleyfi miðvikudaginn 15. apríl

Páskaleyfi nemenda í Námsflokkum Reykjavíkur hefst mánudaginn 6. apríl og lýkur þriðjudaginn 14. apríl.

Kennsla hefst aftur miðvikudaginn 15. apríl, annað hvort í fjar- eða staðnámi eftir tilmælum Almannavarna en frekari upplýsingar verða sendar út um það þegar nær dregur. 

Starfsfólk Námsflokkanna óskar öllum gleðildegra páska! 

Prenta | Netfang

Breytingar á fyrirkomulagi kennslu í Námsflokkunum á meðan hert samkomubann Almannavarna er í gildi

Í ljósi aðstæðna hefur verið ákveðið að kennsla fari hér eftir fram í fjarnámi og hafa nemendur fengið upplýsingar um hagi fjarnáms hjá hverjum hópi. 

Skrifstofan verður opin á morgun fimmtdaginn 26. mars og föstudaginn 27. mars frá 9-12. 

Skrifstofan verður lokuð frá og með 30. mars til og með þriðjudeginum 14. apríl. 

Ef frekari upplýsinga er óskað er hægt að senda tölvupóst á This e-mail address is being protected from spambots. You need JavaScript enabled to view it. eða hringja í Iðunni forstöðumann í síma 664-8603 eða Jódísi náms- og starfsráðgjafa í síma 664-8606

Í ljósi aðstæðna bendum við á áhugaverðan netfyrirlestur Bataskóla Íslands sem ber nafnið Hvernig getum við dregið úr kvíða á óvissutímum? og hefst kl. 14 á morgun fimmtudaginn 26. mars í netheimum. Þeir sem hafa áhuga geta smellt á Zoom-hlekk sem mun birtast þar klukkutíma fyrir fyrirlesturinn á Facebooksíðu Bataskólans

Prenta | Netfang

Fjarnámsverkefni í heimspeki og íslensku

Nemendur í Námskrafti eiga að hafa fengið sendan tölvupóst úr Mentor með upplýsingum um verkefnin sem þau eiga að vinna í fjarnámi í heimspeki og íslensku. 

Hérna er einnig hægt að nálgast verkefnin: Heimspekiverkefni - Verkefnalisti í íslensku - Yfirlit yfir íslenskunámið

Anna íslenskukennari mun hringja í sína nemendur milli 9-12 á mánudögum til að aðstoða í gegnum síma og hvetja áfram. 

Silla heimspekikennari mun hringja í sína nemendur á milli 9-12 á miðvikudögum til að aðstoða í gegnum síma og hvetja áfram. 

Gyða stærðfræðikennari mun hringja á þriðjudögum og fimmtudögum milli 9-12 til að aðstoða í gegnum síma og hvetja áfram. 

Einnig munu skrifstofustjóri og náms- og starfsráðgjafar hringja út í nemendur til að liðsinna þeim og hvetja áfram. 

Við hvetjum alla nemendur til að halda rútínu og vinna að fjarnámsverkefnum á morgnana ásamt því að halda áfram að reikna þar sem þau eru stödd í stærðfræði (minnum á að svörin eru aftast í stærðfræðibókunum, sjá bókalista). 

Einnig viljum við benda nemendum á nýuppsettan vef Menntamálastofnunar, Fræðslugátt: fraedslugatt.is

Prenta | Netfang

Formleg kennsla fellur niður á morgun þriðjudaginn 17. mars í Námskrafti en þá hefst fjarnám í íslensku og heimspeki.

Formleg kennsla í Námskrafti fellur niður á morgun þriðjudaginn 17. mars en þá hefst fjarnám í íslensku og heimspeki og fær hvor hópur um sig upplýsingar um verkefni sem þeir eiga að vinna að heima og eiga að vera í tölvupóstssamskiptum við viðeigandi kennara. Einnig munu kennarar, náms- og starfsráðgjafar og annað starfsfólk fylgja námi nemenda eftir með símtölum á næstu dögum. 
Verið er að finna lausnir svo hægt sé að kenna listir og stærðfræði í stað- eða fjarnámi næstu vikurnar og erum við að bíða eftir ítarlegri leiðbeiningum svo við getum fundið viðeigandi útfærslu. Við vonumst til að geta upplýst um fyrirkomulag þess á morgun.
Við hvetjum alla nemendur til að halda áfram að reikna heima þar sem hver og einn er staddur og minnum á að svör við dæmum eru aftast í bókunum. Allir nemendur í Námskrafti áttu að útvega sér viðeigandi stærðfræðibók í byrjun annar ásamt skriffærum, reikningsbók og viðeigandi vasareikni fyrir bækurnar STÆ 105 og STÆ 225. 
Ef nemendur voru ekki búnir að útvega sér viðeigandi gögn er mikilvægt að hver og einn geri það núna. Sjá bókalista hér.

Prenta | Netfang

Fleiri greinar...