Námsbrú

Ekki kennt haustið 2017

Markmiðið með Námsbrú er að styrkja nemendur með hvatningu og eftirfylgni til aukinnar ábyrgðar á námi sínu, með það að leiðarljósi að þau geti nýtt sér nám í framhaldsskólum og standist þær kröfur sem slíkt nám gerir til þeirra.

Hvað er Námsbrú?

Námsbrú er samvinnuverkefni Námsflokka Reykjavíkur og Fjölbrautarskólans við Ármúla. Um er að ræða einnar annar námsúrræði á framhaldsskólastigi. 

Fyrir hverja er Námsbrú?

Fyrir fólk sem áður hefur lokið námi í Námsflokkum Reykjavíkur úr eftirtöldum hópum: Karlasmiðju, Kvennasmiðju eða Námskrafti.

Hvenær eru tímar?

Tímar hefjast alltaf 8:30 og nemendur eru alltaf búnir á sama tíma eftir hádegi. 
Samfleytt stundaskrá frá morgni fram yfir hádegi. 

Hvernig er námið samsett?

Námið samanstendur af: 
ÍSLENSKU (áfangi miðaður við stöðu nemanda) ,
STÆRÐFRÆÐI (áfangi miðaður við stöðu nemanda)

Einnig hefur verið í boði fyrir nemendur að taka: 
Fjarnám í ENSKU frá Fjölbraut við Ármúla. 

Atriði sem gott er að hafa í huga: 

  • Þeir sem eru duglegir og taka áfanga í öllum fögum geta því verið að klára allt að 9 einingum á önninni. 
  • Heimanámstímar með náms- og starfsráðgjöf eru einnig á stundaskrá og fá nemendur hvatningu til að stunda námið. 
  • Vel er fylgst með mætingum nemenda og hringt heim til þeirra sem mæta ekki á réttum tíma. 
  • Boðið er upp á einkaviðtöl við náms- og starfsráðgjafa.
  • Nemendur eru aðstoðaðir við að sækja um framhaldsskóla áður en náminu lýkur og er umsóknum þeirra fylgt eftir. 

Fyrirspurnir og ábendingar

Nánari upplýsingar veitir Iðunn Antonsdóttir, forstöðumaður Námsflokka Reykjavíkur This e-mail address is being protected from spambots. You need JavaScript enabled to view it.
Upplýsingar í síma 411 6540.

Prenta | Netfang