• Grafík
  • Gítar
  • Heklað
  • Prjónað
  • Saumar
  • Saumar2
  • Saumar3
  • Silfurhringar
  • Silfurmen
  • Silfursmíði
  • Silfursmíði2
  • Slappað af
  • Stúderað
  • Talgad
  • Talgad2
  • Tolvur
    postur 1
    vidburdir 1

    myndasafn 1

    greinasafn 1

    Velkomin á vef Námsflokka Reykjavíkur

     Á þessari síðu er að finna ýmsar upplýsingar um starfsemi Námsflokkanna. Svo lengi lærir sem lifir!

    Markmið Námsflokkanna eru að veita fólki tækifæri til að bæta menntun sína, að fylla upp í þau skörð í fræðsluframboði sem eru í hinu almenna fræðslukerfi og styðja þá sem borið hafa skarðan hlut frá borði í skólanámi, auk þess að auka grunnmenntun og bæta félagslega stöðu almennings sem er eigandi Námsflokkanna.

    Aldrei of seint

    Presentation in English

    Stofnun bataskóla á Íslandi

    Námsflokkar Reykjavíkur áttu aðild að málþingi á vegum Landssamtakanna Geðhjálpar sem haldið var í gær á Grand hótel um stofnun bataskóla á Íslandi. Bataskólinn er m.a. ætlaður notendum heilbrigðiskerfisins og aðstandendum þeirra. Málþingið sóttu ríflega 200 manns og þótti takast vel. Dagur B. Eggertson opnaði þingið og að því loknu stigu margir fyrirlesarar á stokk. Anna Gunnhildur Ólafsdóttir, framkvæmdastjóri Geðhjálpar svaraði spurningunni Hvers vegna Bataskóli? Helen Brown skólastjóri Bataskólans í Nottingham og Angela Mullholland jafningafræðari við sama skóla sögðu frá tilurð og starfsemi skólans. Iðunn Antonsdóttir, forstöðumaður Námsflokka Reykjavíkur og Kristjana Gunnarsdóttir, skrifstofustjóri Velferðarsviðs héldu jafnframt erindi um stofnun og útfærslu bataskóla á Íslandi. Linda Dögg Hólm, ráðgjafi Geðhjálpar, talaði út frá sjónarhorni notenda gagnvart bataskóla á Íslandi, sem hún taldi fulla þörf á. Að loknum erindum voru pallborðsumræður með fulltrúum frá Klúbbnum Geysi, Hlutverkasetri, Hugarafli, Vin, Geðheilsustöð Breiðholts og Landspítalanum.

    Námsflokkarnir munu hýsa starfsemina og gert er ráð fyrir að fyrstu nemendurnir komi til starfa á haustönn 2017. Sjá nánar á Facebook síðu okkar. Myndirnar eru birtar með góðfúslegu leyfi Geðhjálpar.

    Helen og Angela

    Helen og Angela frá Bataskólanum í Nottingham.

    Kristjana, skrifstofustjóri Velferðarsviðs Reykjavíkurborgar og Iðunn, forstöðumaður Námsflokka Reykjavíkur.

    Continue Reading

    Breytt annaryfirlit hjá Námskrafti

    Vinsamlegast athugið að annaryfirlit Námskrafts er lítillega breytt og verður kennt til 7. desember, í stað 2. desember. Sjá nýtt annaryfirlit hér.

    Fyrirhugað er að Starfskraftur hefjist 14. október

    Starfskraftur er fyrir ungmenni 16-18 ára (búin með grunnskólaskyldu og mega vera 18 ára á árinu) sem hvorki stunda nám né vinnu og eru með lögheimili í Reykjavík. Það eru 12 pláss í Starfskrafti.

    Áætlað er að Starfskraftur hefjist föstudaginn 14. október kl. 13-15 í Námsflokkum Reykjavíkur náist í hóp.

    Fyrstu fjórar vikurnar eru námskeið fjóra daga vikunnar í Námsflokkum Reykjavíkur, einn dagur fer í hópstarfsþjálfun/-kynningu. Áætlað er að einstaklingsstarfsþjálfun hefjist 15. nóvember og standi í 5 vikur (mögulega 114 starfsþjálfunartímar með hópstarfsþjálfun). Föstudaginn 16. desember vinna þau lokaverkefni í Námsflokkunum og útskrifast svo að því loknu.

    Sjá upplýsingabækling hér og annaryfirlit hér.

    Umsóknir berist til Elmu Vagnsdóttur This e-mail address is being protected from spambots. You need JavaScript enabled to view it. og Námsflokka Reykjavíkur This e-mail address is being protected from spambots. You need JavaScript enabled to view it. með tölvupósti þar sem fram koma helstu upplýsingar um viðkomandi nemanda og foreldra þegar við á (kt. og símanúmer). Boðið verður í kynningarviðtal.

    Sumarlokun

    Námsflokkarnir eru lokaðir frá mánudeginum 4. júlí. Opnum aftur mánudaginn 8. ágúst.

    Fleiri greinar...